Skip to content

nanpa pi ilo LaTeX

ilo LaTeX li ken kepeken nasin nanpa mute. taso tenpo pini la nasin nanpa pi toki pona li lon ala ilo ni. jan li ken ala nanpa e lipu ona kepeken toki pona. mi pali e ilo lili tawa ni a! sina kepeken ilo LaTeX la sina ken toki pona e nanpa.

o kama jo e lipu nanpa.sty. o pana e ona tawa poka pi lipu wile.

o pana e toki ni lon lipu:

\usepackage{nanpa}

nasin pali tu li lon.

  • nasin \nanpa{} li toki e nimi wan e nimi tu e nimi mute.
  • nasin \nanpasuli{} li toki e nimi wan e nimi tu e nimi tu wan e nimi tu tu e nimi ale sama ni.

sina wile nanpa e lipu e toki suli la o toki sama ni:

\renewcommand\thepage{nanpa \nanpasuli{page}}
\renewcommand\thesection{nanpa \nanpasuli{section}}